naghma-zan hai nazar-e-be-avaz
kyuun mire dil asar-e-be-avaz
mere dil se unhen apne dil ki
mil rahi hai ḳhabar-e-be-avaz
laakh kirnon ki zaban rakhta hai
ek nur-e-sahar-e-be-avaz
hui barbad pas-e-be-hunran
sa.i-e-arz-e-hunar-e-be-avaz
pa.e hangama-e-hasti-e-bashar
maut hai charagar-e-be-avaz
hai vo be-panv guzarne ki dalil
irtiqa ka safar-e-be-avaz
rang laaya hai sada ban ke ‘saba’
mera ḳhun-e-jigar-e-be-avaz
Leave a Reply