Meri shanaKHt Ke Har Naqsh Ko miTata Hai

mirī shanāḳht ke har naqsh ko miTātā hai

vo mere saa.e ko mujh se judā dikhātā hai

bas ek pal meñ miTā deñgī sar-phirī maujeñ

gharauñde ret ke sāhil pe kyoñ banātā hai

fazā meñ kamre kī phailī huī hai ik ḳhushbū

ye kaun aa ke kitābeñ mirī sajātā hai

yahī milā hai sila mujh ko haq-parastī kā

ki vaqt neze pe sar ko mire uThātā hai

maiñ us ke ishq meñ aise maqām par huuñ jahāñ

usī kā aks har ik ā.īna dikhātā hai

Leave a Comment