Meri Qismat Mein Wasl Us Ka Agar Ai Aasman Hota

Poet

miri qismat men vasl us ka agar ai asman hota

to tu bhi mehrban hota ḳhuda bhi mehrban hota

sitam ke ba.ad hota hai karam bhi ye agar sach hai

mire dil par bhi aisa hi sitam ai jan-e-jan hota

bala.en le ke dushman mar gaya meri bala samjhe

samajh men meri jab aata tamasha ye yahan hota

zamin par sone valon ko hiqarat se na Thukrata

hamari tarah gardish men jo tu ai asman hota

chaman uudi ghaTa saaqi surahi aur paimana

ye sab saman hote shaiḳh ka phir imtihan hota

suna hai fasl-e-gul aa.i hui phir gulshan-ara.i

chaman men kaash apna bhi qafas ai baghban hota

vo mera ro ke kahna un ke ‘shankar’ hans ke farmana

are ulfat men koi bhi nahin hai shadman hota