Poet
miri nigah men hai ḳhaak sim-o-zar ka fusun
subut-e-mo.ajiza-e-raftagan-e-alam huun
diya hai mujh ko magar be-surur hangama
mila hai mujh ko magar vaqf-e-iztirab-e-sukun
na chand men hai chamak apni aur na shabnam men
karun to kis ka zamane men e’tibar karun
jo dil men baat hai alfaz men nahin aati
so ek baat hai dil ki lagi kahun na kahun
saza hai meri raho us dayar men ki jahan
garan hai ab-e-musaffa magar hai arzan ḳhuun
saval-e-aql vahi hai javab-e-jehl vahi
hazar baar karun das hazar baar sunun
ḳhafa hai rang-e-gul-o-mauja-e-saba mujh se
ki bandhta huun dil-e-be-qarar ka mazmun
mujhe to apne pe ik lamha e’tibar nahin
nigar-e-dahr tujhe garche ba-vafa samjhun
hazar raste pinhan hain reg-e-sahra men
jo dam men dam ho to is dasht ki hava dekhun
khula hai al-e-mohammad ke faiz se mujh par
ki aadmi ko bhi hai iḳhtiyar-e-kun-fayakun
buland ba.ad-e-shahadat bhi hai ye nok-e-sinan
sar-e-imam kisi haal bhi nahin hai nigun
Leave a Reply