havaen chandni men kanpti hain
mira mahtab dukh pahchanti hain
utar sakti nahin husn-e-bayan men
jo raten harf-e-jan ko katti hain
bhanvar paael mire pairon se uljhi
tiri yadon ki lahren nachti hain
miri ankhon men sahil tak nami hai
magar nazren ki sahra chhanti hain
badan men chup andhera so raha hai
umangen ek taara mangti hain
hari ye kisht-e-jan kya ho sakegi
zaminen to numu se bhagti hain
Leave a Reply