dushmanon ko mire hamraz karoge shayad
vaqt-e-tanhai men avaz karoge shayad
tum bahut tez ho shah-zor ho ustad bhi ho
tum bina par ke bhi parvaz karoge shayad
ye khula jism khule baal ye halke malbus
tum nai sub.h ka aghaz karoge shayad
talkh andaz se badloge zamane ka mizaj
apne atraf ko na-saz karoge shayad
tum to khamosh ho lo main hi zara bolta huun
baat se baat ka aghaz karoge shayad
Leave a Reply