ahmad-hamdani

Kuchh Usko Yaad Karun Us Ka Intizar Karun

kuchh us ko yaad karun us ka intizar karun

bahut sukut hai main khud ko be-qarar karun

bharun main rang nae muzmahil tamanna men

udaas raat ko asuda-e-bahar karun

kuchh aur chaah badhaun kuchh aur dard sahun

jo mujh se duur hai yuun us ko ham-kanar karun

vafa ke naam pe kya kya jafaen hoti rahin

main har libas-e-jafa aaj taar taar karun

vo meri raah men kante bichhae main lekin

usi ko pyaar karun us pe e’tibar karun

ye mere khvab miri zindagi ka sarmaya

na kyuun ye khvab bhi main aaj nazr-e-yar karun

More Poems

Leave a Comment