umr men us se badi thi lekin pahle tuut ke bikhri main
sahil sahil jazbe the aur dariya dariya pahunchi main
shahr men us ke naam ke jitne shakhs the sab hi achchhe the
subh-e-safar to dhund bahut thi dhupen ban kar nikli men
us ki hatheli ke daman men saare mausam simte the
us ke haath men jaagi main aur us ke haath se ujli main
ik mutthi tariki men tha ik mutthi se badh kar pyaar
lams ke jugnu pallu bandhe ziina ziina utri main
us ke angan men khulta tha shahr-e-murad ka darvaza
kuen ke paas se khali gagar haath men le kar palti main
main ne jo socha tha yuun to us ne bhi vahi socha tha
din nikla to vo bhi nahin tha aur maujud nahin thi main
lamha lamha jaan pighlegi qatra qatra shab hogi
apne haath larazte dekhe apne-ap hi sambhali main
Leave a Reply