Nisar-E-Shama Hone Bazm Mein Parwana Aa Pahuncha

nisar-e-shama hone bazm men parvana aa pahuncha

qarib-e-manzil-e-divangi divana aa pahuncha

tarane hamd ke gulshan men barg-e-gul se sunta huun

zaban-e-ghuncha pe kyunkar tira afsana aa pahuncha

ise kahte hain mil kar khaak men iksir ho jaana

hua sarsabz vo zer-e-zamin jo daana aa pahuncha

safar is bazm se karne ko phir rajat ki thani hai

gale phir aaj milne shama se parvana aa pahuncha

raqam hai dastan-e-ishq-e-bulbul patte patte par

gulon tak kis tarah gulshan men ye afsana aa pahuncha

khinchi thi kya tiri tasvir tarkib-e-anasir se

ki musht-e-khak men andaz-e-mashuqana aa pahuncha

parastar-e-sanam ho kar jo DhunDi raah kaaba ki

qadam bahka hua apna sar-e-mai-khana aa pahuncha

banenge aaj phir sarmast sahba-e-sukhan ‘raunaq’

qadam phir apna qurb-e-mahfil-e-rindana aa pahuncha

Leave a Comment