lā ik ḳhum-e-sharāb ki mausam ḳharāb hai
kar koī inqalāb ki mausam ḳharāb hai
zulfoñ ko be-ḳhudī kī ridā meñ lapeT de
saaqī pa.e-shabāb ki mausam ḳharāb hai
jām-o-subū ke hosh Thikāne nahīñ rahe
mutrib uThā rubāb ki mausam ḳharāb hai
ġhunchoñ ko e’tibār-e-tulū-e-chaman nahīñ
ruḳh se ulaT naqāb ki mausam ḳharāb hai
ai jaañ! koī tabassum-e-rañgīñ kī vārdāt
phīkā hai māhtāb ki mausam ḳharāb hai