Ghubar-E-Rah Ke Manind Rahguzar Mein Hain

ghubar-e-rah ke manind rahguzar men hain

hamara kya hai bhala ham bhi kis shumar men hain

agar vo ghair ke hathon men khelte hain to kya

ham apne aap bhi kab apne ikhtiyar men hain

hamara alam-e-hasrat bhi hai ajiib ki ham

guzar gae hain jo din un ke intizar men hain

zamana apni hadon se nikal ke phail gaya

aur ek ham ki abhi apne hi hisar men hain

ye apna shahr andheron ka shahr hai shayad

bade azaab yahan raushni se pyaar men hain

vo jan-e-bazm gaya raunaqen tamam huiin

ye log kis liye baithe hain kis khumar men hain

ajab fazaen hain ‘nikhat’ khula na kuchh ham par

ye apna ghar hai ki maidan-e-kar-zar men hain

Leave a Comment