bhare jo zaḳhm to daghon se kyuun uljhen?
ga.i jo biit un baton se kyuun uljhen?
uTha kar taaq pe rakh den sabhi yaden
nahin jo tu tiri yadon se kyuun uljhen?
ḳhuda maujud hai jo har jagah to phir
aqidat-kesh but-ḳhanon se kyuun uljhen?
ye maana thi baḌi kaali shab-e-furqat
sahar jab ho ga.i raton se kyuun uljhen?
hava.en jo gulon se khelti thiin kal
mire mahbub ki zulfon se kyuun uljhen?
isi karan nahin roya tire aage
mire aansu tiri palkon se kyuun uljhen?
nadi ye soch kar chup-chap bahti hai
sada.en us ki viranon se kyuun uljhen?
unhen kya vasta ‘alok’-ji gham se
gulon ke ashna ḳharon se kyuun uljhen?
Leave a Reply