jis ne tujhe khalvat men bhi tanha nahin dekha
us dekhne vaale ka kaleja nahin dekha
uf uf vo uchatti si nigah-e-ghalat-andaz
is tarah se dekha hai ki goya nahin dekha
jis gul ko ye sab dhundti phirti hain havaen
tu ne to use nargis-e-shahla nahin dekha
dam ankhon men atka hai khuda ke liye aao
phir ye na gila ho mira rasta nahin dekha
‘shair’ ye ghazal likkhi hai ya jad diye moti
duniya men qalamkar bhi aisa nahin dekha
Leave a Reply