Nairang-E-Jahan Rang-E-Tamasha Hai to Kya Hai

Siddique Mujibi

nairang-e-jahan rang-e-tamasha hai to kya hai

har ek qadam aag ka dariya hai to kya hai

ham dil ke musahib hain har ik baat pe raazi

ik moḌ ghalat raah men aaya hai to kya hai

sau rang ke dariyaon ka paani hai nazar men

ab badiya-paima.i-e-sahra hai to kya hai

ik dhund hai manzar se ziyada pas-e-manzar

ik vahm par dil vala-o-shaida hai to kya hai

ji len ki na ji paa.e ye hasrat to na hogi

qismat men fana harf-e-navishta hai to kya hai