saath men aghyar ke main bhi saf-e-maqtal men huun
surat-e-tarkib-e-mauzun misra-e-mohmal men huun
mujh sa rangin-taba hai tira-darunon men kharab
main sharab-e-arghavani huun magar botal men huun
gand-ha-e-na-tarashida hain ham sohbat miri
in dinon to main bhi khushbu ki tarah sandal men huun
aadmi be-his-o-mas main surat-e-mardum giyah
shahr men huun main ilahi ya kisi jangal men huun
parda-dar-e-girya-e-be-ikhtiyari faqr hai
barq hai abr-e-siyah men aur main kammal men huun
hasil-e-neki huun nekon ko badon ko bad huun ‘mehr’
mera hi partav anat men hai main hi hanzal men huun
Leave a Reply