Zahir Tu Hai To Main Nihan Hun

zahir tu hai to main nihan huun

batin tu hai to main ayaan huun

tu hi zahir hai tu hi batin

tu hi tu hai to main kahan huun

tere hote kahin nahin main

avval akhir na darmiyan huun

tu tu main main ne maar Daala

dam band hai kijiye na haan huun

main hi laila huun main hi mahmil

naaqa bhi huun main hi sarban huun

huun kunj-e-qafas men band lekin

bairun-e-zamin-o-asman huun

dariya ki tarah ravan huun lekin

ab tak bhi vahin huun main jahan huun

juz naam nahin nishan mera

sach-much main bahr-e-be-karan huun

Leave a Comment