Meri Nigah Ka Paigham Be-Sada Jo Hua

miri nigah ka paigham be-sada jo hua

vo meri baat sune kyuun main be-nava jo hua

savad-e-shahr men milte hain log sang-ba-dast

savad-e-shahr se sahra ko rasta jo hua

mila na tu to gham-e-zindagi ke divane

idhar hi lauT paḌe main tera pata jo hua

tamam raat main sunta raha tiri avaz

tira ḳhayal hi mujh ko tiri sada jo hua

hava-e-gul bhi pareshan qaba-e-gul bhi chaak

junun ka fasl-e-baharan se rabta jo hua

Leave a Comment