Meri Nazar Se Na Ho Dur Ek Pal Ke Liye

mirī nazar se na ho duur ek pal ke liye

tirā vajūd hai lāzim mirī ġhazal ke liye

kahāñ se DhūñDh ke lā.ūñ charāġh sā vo badan

taras ga.ī haiñ nigāheñ kañval kañval ke liye

kisī kisī ke nasīboñ meñ ishq likkhā hai

har ik dimāġh bhalā kab hai is ḳhalal ke liye

huī na jur.at-e-guftār to sabab ye thā

mile na lafz tire husn-e-be-badal ke liye

sadā jiye ye mirā shahr-e-be-misāl jahāñ

hazār jhoñpaḌe girte haiñ ik mahal ke liye

‘qatīl’ zaḳhm sahūñ aur muskurātā rahūñ

bane haiñ dā.ere kyā kyā mire amal ke liye

Leave a Comment