allama-iqbal

Meri Nawa Se Hue Zinda Aarif O Aami

miri nava se hue zinda aarif o aami

diya hai main ne unhen zauq-e-atish ashami

haram ke paas koi aajmi hai zamzama-sanj

ki taar taar hue jaama haae ehrami

haqiqat-e-abadi hai maqam-e-shabbiri

badalte rahte hain andaz-e-kufi o shami

mujhe ye Dar hai muqamir hain pukhta-kar bahut

na rang laae kahin tere haath ki khami

ajab nahin ki musalman ko phir ata kar den

shikva-e-sanjar o faqr-e-juned o bastami

qaba-e-ilm o hunar lutf-e-khas hai varna

tiri nigah men thi meri na-khush andami

More Poems

Leave a Comment