Iqbal Ashhar
badan men avvalin ehsas hai takanon ka
rafiq chhuT gaya hai kahin uḌanon ka
hisar-e-ḳhvab men anhken panah leti hui
ajab ḳhumar sa mahaul men azanon ka
charagh-e-sub.h si bujhne lagin miri anhken
jab intishar na dekha gaya gharanon ka
amaan kahte hain jis ko bas ik tasavvur hai
ki yuun Thahar sa gaya vaqt imtihanon ka
jo us ke honTon ki jumbish men qaid tha ‘ash.har’
vo ek lafz bana bojh mere shanon ka
Leave a Reply