Shaheen Abbas
main duniya ki ḳhatir huun dil hone vaala
mira ahd hai mustaqil hone vaala
ḳhuda aisa tanha kisi ko na rakkhe
koi bhi na ho jab muḳhil hone vaala
pas-e-ab-o-gil main dikha bhi chuka huun
tamasha sar-e-ab-o-gil hone vaala
safine bhare aa rahe hain barabar
hai dariya kahin muntaqil hone vaala
vahi ek ham hain vahi ek tum ho
ye aalam nahin mo.atadil hone vaala
lahu ke kinare bhi zad par hain donon
ye kya zaḳhm hai mundamil hone vaala
miri raakh dekho to kya mutma.in hai
main ik shaḳhs tha mushta.il hone vaala
Leave a Reply