kafir hue sanam ham din-dar teri ḳhatir
tasbih toḌ bandha zunnar teri ḳhatir
gul sina-chak bulbul nalan chaman men dekhi
ankhon ke dukh se nargis bimar teri ḳhatir
abru ki tu isharat jis ki taraf kare tha
chalti thi mujh men us men talvar teri ḳhatir
main jhuuT sach bhi yak-dam aansu na un ke ponchhe
jo chashm roz-o-shab hain ḳhun-bar teri ḳhatir
sab ashnaon se ham begana ho rahe the
ab zindagi hai apni dushvar teri ḳhatir
masjid men mai-kade men kya kaifi aur suufi
behosh teri ḳhatir hoshyar teri ḳhatir
jo rah-e-ashiqi men thi pasti-o-bulandi
vo ham ne ki sarasar hamvar teri ḳhatir
pathra ga.i hain ankhen anjum ki tarah har shab
bedar rahte rahte ai yaar teri ḳhatir
is abr men chaman ne kya kya kiya hai saaqi
asbab mai-kashi ka tayyar teri ḳhatir
har ghuncha hai gulabi har gul hai saghar-e-mai
mai-ḳhana ho raha hai gulzar teri ḳhatir
aage to kucha-gardi sheva na tha ‘muhib’ ka
ki ab shurua us ne na-char teri ḳhatir
Leave a Reply