nahin shu.ur-e-nazar kisi men
hazaron gham hain miri hansi men
nahin hai me.aar koi baaqi
na dushmani men na dosti men
na chheḌ un ko ai jazba-e-dil
vo ro paḌenge hansi hansi men
payambar-e-tirgi bhi ik din
zarur a.enge raushni men
zara koi rahbar se kah de
ki raz-e-manzil hai gumrahi men
mazaq-e-mahfil gira hua hai
na TuuTe dil koi dil-lagi men
bujhi hui sham.a saath le kar
bhaTak rahe hain vo tirgi men
ḳhuda ka irfan yahi hai ‘ashraf’
ki lutf aa jaa.e bandagi men
Leave a Reply