Kar Sake Kya Aql Mere Gham Ke Jaane Ka Ilaj

Poet

kar sake kya aql mere gham ke jaane ka ilaaj

kaam kab aata hai divanon ko syane ka ilaaj

rang-e-gul ki aag par daman na maar ai bad-e-sub.h

kya karengi bulbulen phir ashiyane ka ilaaj

haq ko kab pahunche na bandhe jab tak un zulfon se dil

kyuun ki ho zanjir bin aise divane ka ilaaj

gar taharat chahta hai tu ḳhuda ke vaste

kaaT sar lohu se apne kar nahane ka ilaaj

shisha-e-dil ke ta.iin apne sambhale rakh ‘yaqin’

phir karega kaun is ke TuuT jaane ka ilaaj