Yasmeen Hameed
ek ik harf sameto mujhe tahrir karo
miri yaksui ko amada-e-zanjir karo
sab khad-o-khal mire dhund hue jaate hain
subh ke rang se aao mujhe tasvir karo
jitna mere liye karb hua jaata hai
mere pindar ko todo mujhe taskhir karo
us imarat ko gira do jo nazar aati hai
mire andar jo khandar hai use taamir karo
ab miri aankh se le lo khalish-e-binai
ya mire khvab ko sharminda-e-taabir karo
Leave a Reply