Farogh Zaidi
hain miri parvaz ke tevar na.e
saath mere dekhiye manzar na.e
ik purane mai-kade men tishnagi
DhunDti hai saqi-o-saghar na.e
bachpane ka ghar na bhulega kabhi
chahe jitne aap ke hon ghar na.e
kijiye har ilm se arasta
bachchiyon ke hain yahi zevar na.e
ik na.e fōtpath par mazdur tha
muflisi ne jab diye bistar na.e
ab zara ta.abir bhi badle ‘farogh’
dekhta huun ḳhvab to aksar na.e
Leave a Reply