meri ḳhvahish na sahi tera irada hai zarur
saḳht mushkil hai ki tujh sa mujhe hona hai zarur
kaun sa ranj hua hosh nahin hai lekin
apne naḳhun se hi khurcha hua siina hai zarur
ab vo pahli si fazaon men kudurat na rahi
haan miri aankh men halka sa dhundlaka hai zarur
ham ko is daur ki tariḳh to likhni hogi
ek chhoTa sa qalam hi sahi apna hai zarur
ro.ab us lafz ka rahta hai musallat ‘ash.har’
be-niyazi men bhi ma.abud jo mera hai zarur
Leave a Reply