kya kaam unhen pursish-e-arbab-e-vafa se
marta hai to mar jaae koi un ki bala se
mujh se bhi khafa ho miri aahon se bhi barham
tum bhi ho ajab chiiz ki ladte ho hava se
daman ko bachata hai vo kafir ki mabada
chhu jaae kahin paki-e-khun-e-shohda se
divana kiya saqi-e-mahfil ne sabhi ko
koi na bacha us nazar-e-hosh-ruba se
ik ye bhi haqiqat men hai shan-e-karam un ki
zahir men vo rahte hain jo har vaqt khafa se
agah-e-gham-e-ishq nahin vo shah-e-khuban
aur ye bhi jo ho jaae faqiron ki dua se
qaail hue rindan-e-kharabat ke ‘hasrat’
jab kuchh na mila ham ko giroh-e-urfa se
Leave a Reply