Khoya Khoya Rahta Hai

khoyā khoyā rahtā hai

jaane kyā kar baiThā hai

bastī meñ ik phuul khilā

mahloñ mahloñ charchā hai

rafta rafta utregā

chaḌhtī umr kā dariyā hai

uḌtī ghaTā ko kyā ma.alūm

sahrā kitnā pyāsā hai

aaj ke insāñ kī manzil

aurat shohrat paisa hai

biTiyā bhī sasurāl ga.ī

totā bhī chup rahtā hai

chal ‘anjum’ ghar lauT chaleñ

sahrā meñ kyā rakkhā hai

Leave a Comment