meri har baat pe be-bat ḳhafa hote ho
jaane kya baat hai din-rat ḳhafa hote ho
chup rahen vaqt-e-mulaqat ḳhafa hote ho
puchh len bhuul se halat ḳhafa hote ho
baat ghairon se to hans hans ke kiya karte ho
ham se hote hi mulaqat ḳhafa hote ho
duur hote ho to naraz raha karte ho
paas rahte ho to din raat ḳhafa hote ho
janta huun ki tumhen pyaar nahin hai mujh se
kya ba-majburi-e-halat ḳhafa hote ho
Leave a Reply