Meri Har Baat Par Wo KHafa Sa Lage

merī har baat par vo ḳhafā sā lage

sāf-goī kā us ko burā sā lage

saañs lete haiñ ham kaise māhaul meñ

jo bhī manzar hai vo karbalā sā lage

kis ne mausam ko sikhlā.ī aisī adā

kabhī ḳhush aur kabhī ye ḳhafā sā lage

jis kī nas nas meñ shāmil haiñ kaḌvāhaTeñ

vo hī dard kī kyuuñ davā sā lage

jab bhī miltā hai ḳhāmosh rahtā hai vo

us kī āñkhoñ meñ lekin gila sā lage

Leave a Comment