Mohsin Aftab Kelapuri
meri fariyad suno aao bacha lo mujh ko
apne andar hi phansa huun main nikalo mujh ko
haq-bayani hai agar jurm to phir ai logon
qatl kar do mira nezon pe uchhalo mujh ko
de raha huun main ye taklif tumhen aḳhiri baar
apne kandhon pe mire bachchon uTha lo mujh ko
sab ko hasil nahin hota huun main asani se
mujh se milne ki hai ḳhvahish to khangalo mujh ko
meri tahzib ye kahti hai mujhe ro ro kar
main huun girti hui divar sambhalo mujh ko
Leave a Reply