madava-e-junun sair-e-gulistan se nahin hota
rafu-e-chak-e-dil tar-e-gareban se nahin hota
ba-juz manzil kahin rahat nahin milti musafir ko
ilaj-e-abla-pa.i bayaban se nahin hota
hijab-e-dost ne baḳhsha hai vo lutf-e-yaqin dil ko
ki ye asuda ab husn-e-numayan se nahin hota
jila hoti hai zarf-e-zist par tanqid-e-dana se
mudava nafs ka chashm-e-sana-ḳhvan se nahin hota
ba-qadr-e-zarf fitrat karti hai balidgi dil ki
ye vo kar-e-aham hai jo dabistan se nahin hota
kiya hai ru-shanas-e-afv main ne teri rahmat ko
liya vo kaam isyan se jo iman se nahin hota
jigar ke daagh hi marqad men kaam ‘ejaz’ a.enge
ujala aisi zulmat men charaghan se nahin hota
Leave a Reply