Meri Bipta Bhi Kitni Dukh-Bhari Hai

mirī biptā bhī kitnī dukh-bharī hai

jise taqdīr sun kar hañs rahī hai

yahāñ sochoñ ke par kaise khuleñge

mahz jismoñ pe sab duniyā rukī hai

mujhe bhejā to puurā thā ḳhudā ne

magar hissoñ kī qīmat lag rahī hai

kahāñ kā ishq aur kaisī mohabbat

havasnākī kī ik manDī sajī hai

maiñ fardā faḳhr-e-ādam kyuuñ nahīñ thī

bahut arzāñ mirī bolī lagī hai

Leave a Comment