Meri Afsurda-Dili Gardish-E-Ayyam Se Hai

mirī afsurda-dilī gardish-e-ayyām se hai

log kahte haiñ mohabbat kisī gulfām se hai

chashm-e-sāqī ne bhī ye mashvara-e-nek diyā

ki ilāj-e-ġham-e-dil talḳhī-e-bad-nām se hai

chāñdnī-rāt meñ ye aur chamak uTThegā

dard kuchh dil meñ sivā aaj sar-e-shām se hai

rañg uḌāyā hai zamāne ne jahāñ se ‘mas.ūd’

apnī nisbat bhī usī yār-e-gul-andām se hai

Leave a Comment