Sunahri Dhup Se Chehra Nikhaar Leti Hun

sunahri dhuup se chehra nikhar leti huun

udasiyon men bhi khud ko sanvar leti huun

mire vajud ke andar hai ik qadim makan

jahan se main ye udasi udhar leti huun

kabhi kabhi mujhe khud par yaqin nahin hota

kabhi kabhi main khuda ko pukar leti huun

janam janam ki thakavat hai mere siine men

jise main apne sukhan men utaar leti huun

main ab bhi yaad to karti huun asima us ko

usi ka gham hai jise main sahar leti huun

Leave a Comment