ambarin-salahuddin

Meri Aankhon Mein Manzar Dhul Raha Tha

miri ankhon men manzar dhul raha tha

sar-e-mizhgan sitara ghul raha tha

bahut se lafz dastak de rahe the

sukut-e-shab men rasta khul raha tha

jo ugla vaqt ke atish-fishan ne

vo lamha khaak men phir rul raha tha

hua tha qurmuzi paani jahan se

vahan kal shaam tak ik pul raha tha

tumhare naam se aage ka rasta

ajal ki ahaton men khul raha tha

More Poems

Leave a Comment