meer-taqi-meer

Ai Gul-E-Nau-Damida Ke Manind

ai gul-e-nau-damida ke manind

hai tu kis afrida ke manind

ham ummid-e-vafa pe teri hue

ghuncha-e-dair chida ke manind

khaak ko meri sair kar ke phira

vo ghazal-e-ramida ke manind

sar uthate hi ho gae pamal

sabza-e-nau-damida ke manind

na kate raat hijr ki jo na ho

naala tegh-e-kashida ke manind

ham giraftar-e-hal hain apne

tair-e-par-burida ke manind

dil tadapta hai ashk-e-khunin men

said-e-dar-khun tapida ke manind

tujh se yusuf ko kyunke nisbat den

kab shunida ho diida ke manind

‘mir’-sahib bhi us ke haan the lek

banda-e-zar kharida ke manind

More Poems

Leave a Comment