Apna Ghar Bazar Mein Kyun Rakh Diya

apna ghar bazar men kyuun rakh diya

vaqia akhbar men kyuun rakh diya

khvab ki apni bhi ik tauqir hai

dida-e-bedar men kyuun rakh diya

khel men khana badalne ke liye

apna mohara haar men kyuun rakh diya

sar bachane tak to shayad thiik ho

khauf ye dastar men kyuun rakh diya

niind na aana ye raton ko ‘nishat’

dil ko is azar men kyuun rakh diya

Leave a Comment