Shahram Sarmadi
rah-e-vafa men rahe ye nishan-e-ḳhatir bas
baghair naam ho mazkur har musafir bas
hazar vadi-e-tarik se guzarta hua
ye ishq chahta hai ho tira muasir bas
tavil marhala-e-justuju bhi tha darpesh
so ittifaq nahin tha hua vo zahir bas
phir is ke ba.ad sabhi ho gaya idhar ka udhar
vo ek lamha-e-maujud men tha hazir bas
ye ik jazira-e-be-rah bhi nahin rahna
to kya qarib hai vo majma-ul-jaza.ir bas
Leave a Reply