bashir-badr

Mere Sine Par Wo Sar Rakkhe Hue Sota Raha

mere siine par vo sar rakkhe hue sota raha

jaane kya thi baat main jaaga kiya rota raha

shabnami men dhuup ki jaise vatan ka khvab tha

log ye samjhe main sabze par pada sota raha

vadiyon men gaah utra aur kabhi parbat chadha

bojh sa ik dil pe rakkha hai jise Dhota raha

gaah paani gaah shabnam aur kabhi khunab se

ek hi tha daagh siine men jise dhota raha

ik hava-e-be-takan se akhirash murjha gaya

zindagi bhar jo mohabbat ke shajar bota raha

rone valon ne utha rakkha tha ghar sar par magar

umr bhar ka jagne vaala pada sota raha

raat ki palkon pe taron ki tarah jaaga kiya

subh ki ankhon men shabnam ki tarah rota raha

raushni ko rang kar ke le gae jis raat log

koi saaya mere kamre men chhupa rota raha

More Poems

Leave a Comment