Poet
mere parvane ko ab muzhda-e-mayusi hai
kyunki vo parda-nashin shoala-e-fanusi hai
saqiya dast-e-nigarin se tire miina men
ham jo karte hain nazar jalva-e-tausi hai
jam-e-labrez chahakta hai yad-e-baiza sa
yaar ke haath men kya moajaza-e-musi hai
marti us gul pe hai bikta hai jo kaudi kaudi
tujh pe marti nahin bulbul bhi kuchh ullu si hai
ai sanam naala o afghan se mire shaam o sahar
dil ke but-khane men ab naghma-e-naqusi hai
dasht men chal ki har ik khar-e-bayaban ko ‘nisar’
juun hina kab se tamanna-e-qadam-bosi hai
Leave a Reply