Hari Chand Akhtar
fikr-e-uqba hai mujhe ḳhvahish-e-duniya hai mujhe
aish ki dhun hai mujhe maut ka dhaḌka hai mujhe
maut kahte hain jise zabt ki takmil na ho
ki tanaffus pe bhi fariyad ka dhoka hai mujhe
husn vo chahiye jo ishq ka a.ina bane
ya.ani apne liye apni hi tamanna hai mujhe
tum na ghabrao mujhe tum se koi kaam nahin
apni ḳhvahish hai mujhe apni tamanna hai mujhe
ye to ma.alum nahin un ka irada kya hai
haan nigah-e-ghalat-andaz se dekha hai mujhe
hijr ki shab udhar allah idhar vo but hai
dekhna ye hai ki ab kaun bulata hai mujhe
ek but ek hi but ka huun pujari ‘aḳhtar’
apne is shirk pe tauhid ka da.ava hai mujhe
Leave a Reply