Poet
nazar nazar men tamanna qadam qadam pe gurez
jahan jahan bhi mile kohkan vahin parvez
ghaTa ghaTa sa dhundlaka hai qasr-o-aivan men
nikal chalo jahan maidan men raushni hai tez
tire karam pe bhi andesha-ha-e-dur-o-daraz
mile hain jam-o-subu vo bhi zahr se labrez
numud-e-ḳhar-e-mughilan hai baghban ko pasand
zamin-e-lala-o-gul varna hai bahut zarḳhez
sukun mila hai kanizon ko ḳhvab-e-shirin ka
jo kohkan ne sambhali hai daulat-e-parvez
taghayyurat-e-ḳhayalat irtiqa-e-hayat
tasadum-e-nazariyat fitna-e-changez
guzar rahe hain shab-o-roz is tarah ‘mahir’
na zindagi se mohabbat na zindagi se gurez
Leave a Reply