Yasmeen Habeeb
mire junun ko hai tujh se sabat phir milna
miri nazar ki hasin ka.enat phir milna
kabhi jo din ke ujale men aa na paa.e agar
to shauq-e-did men jagegi raat phir milna
bas ek tu hi bahana hua hai jiine ka
vagarna dard hai saari hayat phir milna
hazar rang hain tere ki mujh se lipTe hain
jilau men le ke dhanak ki barat phir milna
suni hui hai tiri aankh ki zaban main ne
tujhe suna sakun is dil ki baat phir milna
chaTaḳh chaTaḳh ke mire honT de rahe hain sada
phir aana lauT ke ju-e-furat phir milna
Leave a Reply