taqve ke liye jannat-o-kausar hue maḳhsus
rindi ke liye shisha-o-saghar hue maḳhsus
pabandi-e-ahkam-e-shari.at hai vahan farz
rindon ko ruḳh-e-saqi-o-saghar hue maḳhsus
qaa.em hai vahan diin bhi duniya bhi ba-ummid
ham ko karam-e-rahmat-e-davar hue maḳhsus
sheḳhi hai vahan jubba-o-dastar pe mauquf
rindi ko yahan tark-e-tan-o-sar hue maḳhsus
hai kashf-o-karamat vahan maya-e-pindar
sauda aur ziyan ham ko barabar hue maḳhsus
hain ḳhirqa-o-ammama vahan pir-e-tariqat
yaan kufr-o-sanam hadi-o-rahbar hue maḳhsus
mauquf jo iman pe rahe masjid-o-mimbar
‘sahir’ ko sanam-ḳhana-o-saghar hue maḳhsus
Leave a Reply