Azra Naqvi
dil ko har surmai rut men yahi samjhate hain
aise mausam kai aate hain guzar jaate hain
had se badh jaati hai jab talkhi-e-imroz to phir
ham kisi aur zamane men nikal jaate hain
rat-bhar niind men chalte hain bhatakte hain khayal
subh hoti hai to thak haar ke ghar aate hain
kaise ghabrae se phirte hain mire khaal ghazal
zindagani ki kadi dhuup men sanvlate hain
phuul se log jo khushbu ke safar par nikle
dekhte dekhte kis tarah se murjhate hain
chhodiye jo bhi hua thiik hua biit gaya
aaiye raakh se kuchh khvab utha laate hain
Leave a Reply