Ehtisham Ul Haq Siddiqui
aur ab aql ka baar nahin gar sah sakte ho
dil ke is pagal-ḳhane men rah sakte ho
mere dil men rahna raas nahin aaya to
be-shak aankh se aansu ban kar bah sakte ho
tum sar-ta-pa aag ho main huun total paani
saaf hai mere saath nahin tum rah sakte ho
patthar-vatthar zalim-valim behis-vehis
mujh ko jo bhi kahna chaho kah sakte ho
miTTi hota to pi jaata par shisha huun
mere uupar be-fikri se bah sakte ho
Leave a Reply