Hum Apne Kheton Mein Hosh Boenge Fasl-Awar Hawas Denge

Poet

ham apne kheton men hosh bo.enge fasl-avar havas denge

zamin ke nange badan ko aḳhir pahaḌ kab tak libas denge

farosh-gahon se jins-e-taza kabhi ki nayab ho chuki hai

ye kaar ba-iztirab chamke ham apni janon ki raas denge

ham ab-bardosh Da.inon ke gale men kanTe utaar denge

ki un ke honTon se ḳhuun barse kuchh aisi shiddat ki pyaas denge

hararat-o-bardat ki khoji hava.en mahv-e-safar rahengi

badalti rut ki ḳhabar hamesha tuyur-e-mausam-shanas denge

har aa.e mausam men konpalon ko sipas-bar-avari milega

to shaḳh-e-na-varda-e-samar ko saza-e-radd-e-sipas denge