Poet
bhar nazar dekhenge ham us ko mila janan agar
devenge rone se fursat dida-e-giryan agar
hashr men insaf to hoga va-lekin us ko dekh
haal apna kah sakega ashiq-e-hairan agar
ai muslimanan karenge ham salam us dam tumhen
aa gaya idhar ko vo gharat-gar-e-iman agar
dil ko karte ho tavaqqo jab ke is gham se haa.e
ishq ke aghaz ka hota kahin payan agar
ai ‘raza’ va.adon se us ke aaj kyuun hota ḳharab
kal hi kar leta vafa ka us ki tu paiman agar
Leave a Reply